[فواز الدواي]

قصيدة مهداة الى صاحب السمو امير دولة الكــــــــويت

الشيخ صباح الاحمد الجابر الصباح حفظه الله ورعاه

اسأل الله العلي القدير ان يرجعه الى وطنه

وشعبه بصحه وعافيه

اعقالك أكبر من دول كلها املاك = نطيح وعقالك رفيعن مقامه

سمعن وطاعه كلبونا نبي رضاك = ياغلا الشيوخ اللي نثمن كلامه

ياميرنا اضحك جعلنا من فدياك = اضحك ياراس المجد تاج الزعامه

شعبك تعود ينظر الضحك بشفاك = بك ياطويل العمر احلا ابتسامه

يالقائد الاعلى عسى الله يرعاك = ياقائد الدوله سمو الفخامه

امر تدلل كلبونا لعيناك = ياذروة المجد التليد وسنامه

على العهد نبقى ودايم بيمناك = نبين في يومن كثيرن عسامه

يامير مانلقى حليك وشرواك = يابو العطايا والعقل والشهامه

انا اشهد ان البشت يامير يزهاك = ياسعد عين اللى بو ناصر حزامه

انت الذي تصلح لذولا وذولاك = قشر الامور تحلها باستقامه

مافي زعيمن بالمكارم تحداك = على البلد مثل النفل والخزامه

في وقتنا ماظن قايد تعداك = لافي جنوب الارض ولا بشامه

فيك التواضع واضحن لا عدمناك = والدبلوماسيه وكل الفهامه

يارمز يعرب دايم العرب تنصاك = قائد على القاده مهم احترامه

الطيب في راسك وساسك ومجناك = يامير يانبع الكرم والصرامه

الله يشافيك ويعجل لنا شفاك = بامر الولى تحضى بكل اهتمامه

يامير لاتبطي ترانا فقدناك = كن البلد دونك بليا كرامه

حتى العلم لاجيت رفرف وحياك = يعتز في حضرة سموك امامه

قصر الحكم والشعب يامير نداك = متى تجي لكويتنا بالسلامه

صباحنا يازين طلت محياك = انت الصباح اللي يجلي الظلامه

بقلم / فواز بن فارس بن خالد الدواي الرشيدي

الموضوع الأصلي: سمو الفخامه | | الكاتب: فواز الدواي | | المصدر: شبكة بني عبس