[مرآهيش]

قبـل امـس واحزانـي علـى روحــي تـحـوم=قلت وحـدود الارض مـا تشيـل كرسـي !
مــن يقـبـل اعــذاري ، ويحـرمـنـي الـلــوم=يكفينـي مـن اللـوم .. لـومـي لـنفـسـي !
سنيـن عشـر ، وفـرحـة سنيـنـي تـصـوم=عـن لـمّـة عيـونـي ، وتقبـيـل خمـسـي !
راح الـعـمـر وانــــا انـتـظــر لـلـفــرح يــــوم=والحزن يكتبني ، ويسعى في طمسي !
ظنّـيـت خـيـر ، وقـلـت يـــا طـايــح تـقــوم=لا قامت حظوظي ، ولا صاب حدسـي !
حـكـيـت حـتــى مـــا بـقــى شـــي مـكـتــوم=وسكت حتى ما سِمع صـوت همسـي !
مــــن قــســوة الأيــــام مـانـيــب مــحـــروم=ومــن جـفـوة الـخـلاّن مانـيـب مـنـسـي !
لــو يكـتـفـي حـزنــي بـ/ حـرمـانـي الـنــوم=كان اشرقت قبل الصباحات ، شمسـي!
مـن كثـر مـا أحسـه أخـو روحــي الـتـوم=صرت اعزم طيوفه على يـوم عرسـي !
حزنـي مهـو مـن حــزن الايــام مقـسـوم=الحزن نفسه شي مـن حـزن نفسـي !!