اهـلا هـلا حييـت ياسيـد الحـور
تـدري انـا قلبـي ولـه واتمنـاك
ودي بشوفك لو حصل كنت مسـرور
ولا المسج همسة وصل يوم هو جاك
ان كان صوتك يبري الجرح معـذور
معذور منهـو قـال ياسيـدي هـاك
هاك الخفوق اللي من الصد مكسـور
هاك الدموع اللي على البعد تنخـاك
هاك الشعر مادام هو فيـك مجبـور
نزف المعاني يا اكحل العين يهنـاك
أبني على نهرك من اشعاري جسور
واعبر على جسر الشعر صوب ميناك
بعض الصدف فيها من الخير
مذكوروابركها من ساعه اذا جـات ويـاك
ساس المحبه بالوفـا يرفـع قصـور
وانا الوفا طبعـي اذا كـان مبـداك
تبغي قصيده بس امر علـى الفـو
رله الشرف شعري اذا طـال يمنـاك
قبلك من الضيقات في قلبـي بحـور
وجيت وغرفت هموم قلبـي بلقيـاك
الله عطاك ان جيت في طلتـك نـور
والله عطاك وزاد في طيـب معنـاك
والله عطاني منك ميعـاد وحضـور
ساعه وتسوى بالثمن كنـز الأفـلاك
سلام ياليـل ٍعلـى الوجـه منثـور
اغـار لحركـت راسـك وغطـاك
خل الجمال الفذ فـي عينـي ايـدور
لا تحـرم المشتـاق شوفـة محيّـاك
اقول كل الزيـن بالعيـن محصـور
واذا جمعتك تستـوي كلـك احـلاك
ميّاس عودك خمري اللون
مـزرورمن ضيق ملبوسك على القد يزهـاك