[عطر الاوركيد]

[IMG]http://*******************/uploads/13056549661.png[/IMG]

صباح الضيق يا جرحي .. صباحي ممتلي أحزان
.. .. .. .. .. ..صباح الحزن لا هلّ السحاب وامطرت غيمة !

صباح يفزفز شعوري يغنّي .. ينكتب عنوان :
.. .. .. .. .. ..إذا قـالوا "مطر عذب" وتغنّت للـوفا ديمة !

صباح الجِرحْ .. وعيون الحبايب تسأل الحرمان
.. .. .. .. .. ..عن الضيق وتناهيد الفراق وحشرجة ضيمه !

يا صوت الريح يا حزن المطر يا رعشة الشريان
.. .. .. .. .. ..تجيْ كالطيف في بالي .. كأنّْ الصبح ترنيمة !

صباحْ يلملم الذكرى .. حكاويْ الودّ والتحنان
.. .. .. .. .. ..يفزّ الجـرح يا حـزني ويعلنها مـراسيمه !

فمان الله يا ريحة هلي .. يا الماضي اللي كان
.. .. .. .. .. ..فمان الآهـ .. مابعد المفارق .. مابقى قيمه !

ذبل لون الصباح وطحت من طولي وانا تعبان
.. .. .. .. .. ..وكن الصبح وجروحي بلا نخوه ولا شيـمة !

هنا والفجر ياخذني خفـوقٍ منكـسر ذبلان
.. .. .. .. .. ..ألا يا ليه مجروحه .. ؟ عظيم الحبّ توهيمه !
...