اجلس مع نفسي واناجي خدعةالوقت الكبير
اعاتب اللحظات كل لحظة بها واسبها
من عبرة (ن) حارت وعيت لا يوقفها النظير
باقصى دروب المهلكة وان جابها الله شبها
قلت اعرض صدري للهوى عسى همي يطير
قلت يمكن عل وإلا ياعسى واربها
شاقي (ن) مابين حسراتي وتأنيب الضمير
والعيون اتموت بس النوم ماقد طبها
ياليل ويش حدك على صدري وانا مالي عشير
يفرد اضلوعي لأجل تأتي الهبوب تهبها
ياليل لاتضوي تعذبني مع الثلث الأخير
ماعادني حمل السهر والا الضلوع تجبها
الخاطر المكسور مايضحك ولا يكسر كسير
والعروق ميبسة لأحدن يجي ينهشبها