السلام عليكم ورحمة الله وبركاته
مجارات شعار كبار ومتمكنين قصايد في شبكة عبس
( ناصر خنيفر )
( عمدة القوووم )
يابناء رشيد متعبت قـب الافـراس=اللي قـدر منكـم عـس مايهونـي
نبغا الهنوف لبسـه زيـن اللابـاس=بتجميلها بيـن البشـر ساعدونـي
قبل امس معلن عرسها بين الاعراس=وعلى اكتمالـة عمرهـا بشرونـي
يفهم ماقوله شاعرن صاحي الـراس=عذراء ماهـي عـذراء ولاتبعدونـي
( القاضي1 )
البنت فرخ العام واليوم قرنـاس=ومن مس فيها بس اقلب عيوني
مغير اخم الناس من كل الجناس=قبلت نـاس ونـاس ماقابلونـي
وعلى هنوفك كل الارياق يبـاس=غربلت ناس(ن)عندها وغربلوني
ولاباقي الانت ومتى تدق الجراس=ابغري العـذرا بزيـن الحونـي
( مسند العويمري )
يمرحـبـا يشـاعـرن يـطـرب الـنــاس=لمـنـه أبــدع فـــي جـمـيـل الـحـونـي
يناصر خنيفر ترى الوضـع منحـاس=لويعلـمـون الـنـاس مــا يخسـرونـي
والحرب دارت بيـن سالـم وجسـاس=وفـي بطنهـا حبـس الوغـا يعتزونـي
والبنت لبست زين الالباس والماس=ومندونها احمات الضعـن يحتمونـي
( مرزوق العجوني )
تستاهل العذراء جديـدات الالبـاس=وتستاهل العذراء جميـل اللحونـي
عذراء غلاها صار مبني على ساس=من حبها سهـرت لجلـه عيونـي
اما كبـرت بعينهـا بيـن هالنـاس=والا بوسـط ترابـهـا فدفنـونـي
ومالوم ناصر منه لو جاه وسـواس=يحبهـا يانـاس حب(ن)جنـونـي
( بحر الخليج )
البنت ابوها معرب الجد والسـاس=غصب(ن)على الشعار لو يزعلوني
ياما اخطبوها من شريفين وانجاس=كلـن يبيهـا جعلهـا ماتهـونـي
حسبي عليها تميل مع كل نسنـاس=وانا ليـا مالـت تزايـد اجنونـي
احبها من قلب مخلص وحسـاس=لقلت ميلي جـاي قالـت تمونـي
( السبع الضاري )
أبا أشرب الفنجال وأبا أشرب الكأس=على زفاف اللي مهرها عيوني
العام مهرة عنتره .قلت لابأس=واليوم مهرة عبس مجدي وعوني
أحلا(أشبكة)فيها اتسلاّ مع الناس=وألعب مع العمده بزين اللحوني
وأنا أشهد إنك ياابو تركي على الرأس=وأصحابنا وأضيوفنا اللي يجوني
( محمد بن سلمان )
ناصر خذا مع سجة البال مرواس=ساعة نظر خد العروس الفتونـي
وغنا بطاروقه بعد حبس الانفاس=ونادا الجماعه وابو تركي يموني
يا بي يزين بنت عمه بالالمـاس=حتى العداء من شوفها يزعلونـي
ابشر بعزٍ ماله احـدود وقيـاس=من كل عبس افخوذها والبطوني
( مشاري بن شوق )
أبنشدك يا صاحبي وش فيك منحاس=طبعك تراه اليـوم صايـر جنونـي
ان كان تبغى الصدق تفديك هالناس=واللي بعد ياخـوك هـم يعرفونـي
أبشر بعزك يانسل طيب الأفـراس=وانت أقرب الأخوان واللي يمونـي
( عبدالرحمن العويمري )
يالعمدة اسمع كان دقن الاجراس=ترا الهنوف اليوم بيـن الجفونـي
واليوم صارت تلبس انواع الالماس=وصارت على ماقيل فوق المزونـي
والفضـل لله ثـم لمعـرب السـاس=اللي جمع ربعة علـى كـل لونـي
وفهمت قولن قيل من بين الاقواس=وبذن الله لتسمع جديـد اللحونـي
( ابوصالح الشويلعي )
يابن خنيفر كلها علـوم نومـاس=البنـت والـي يمهـا يدهلونـي
في جوها راحه وفي شوفها اوناس=لعـل فيهـا ماتخيـب الضنونـي
تبقا عفيفه طـول الايـام مـداس=في ضل ربع(ن)باللقـا ماتهونـي
ياكثر ماجاها من القـوم عسـاس=لاشك دون احصونهـا يرجعونـي
( ابن الشيوووخ )
بعيدتن عن قرب كاظـم وعبـاس=لديارهـا وربوعهـا مايجـونـي
ولا تسموا بهلها رجـال الافـلاس=اللي مـع الله بالبشـر يشركونـي
محفوظتن برجالها دون الانجـاس=يونهـم مـع غيرهـا يسكنونـي
بنت الرجال اللي لها الطيب عساس=اللي بوقـت الحـرب مايقهرونـي
رجالهم على الخطـر بالقـدم داس=منه العـدا بالمعركـه يهزمونـي
صحت السنتكم ياشعار بني رشيد