اخو جزعه سرج له خيل=واصهل صهيلن على حصاني
وحط الجماعه يمين سهيل=يدور من القوم حلفاني
مدري يبيها بعدل وميل=والا عشان العريباني
وروح عليها بحط وشيل=والقوم داين ودياني
وطاوع حليفه قدم الليل=يهجدله حنشل وقوماني
وانا اتحاشا نضيح السيل=يالله ياربي لا تبلاني
ولاني بخبلن سمع ماقيل=اطاه والا توطاني
لكن ابكشف على الدرييل=واسمع للاحي وليحاني
وان مسني حر يالقنديل=شبيت نارن ودخاني
وان كانها جات بالتهليل=نلعن لعينه وشيطاني
يازين صوتي على الترتيل=وانا بوجهك يارحماني
مشاركه ياخو جزاعه واخو مزنه