وشلون بنسى يالغلا ذكرياتك
وانت الذي شفت الأمل فيه مرسوم
الصدق والطيبه هي احلى صفاتك
لو قلت بالصحراء بحر رحت باعوم
كثر المصايب قول من وين جاتك
من مشكله في مشكله وانت محكوم
قل لي متى هالضيق ينسى سماتك
دايم احس انك من الوقت مظلوم
كلي حزن والحب ينعي غلاتك
من بعْد حبك كيف يهنى لي النوم
انا بسافر عنك قصدي رضاتك
ما ودي ابقى بْناظرك وانت محروم
مع السلامه روح وارضى بْحياتك
ودعتك الله والبقا بْراسك اليوم