قبيلة بني رشيد - عرض مشاركة مفردة

وحيد

دامك عن حدودك طغيـت وتعديـت

وغرك زمان درهمت بـك مطايـاه

ماعاد تفرق شي لن رحت وان جيت

ولاعاد في شوفك للاعيـان مشهـاة

اخلصت لك يومك على العهد ووافيت

ويومك نقضت العهد مالـك مـداراه

الله مـن ليـل للقـيـاك حنـيـت

ارجي حنانك وانـت قلبـك بعميـاه

اخلص وتجفاني ولو كان ما اخطيت

واحرص على حبك وتقفي وتنسـاه

لاتحسبنـي عقـب صـدك توفيـت

والا زعلـت لبعـد مثلـك وفرقـاه

ابشرك مـن بعـد صـدك تعافيـت

وارتحت منـك اليـوم والحمـد لله

ماعاد لي هم الى اصبحت وامسيـت

يركي علي الموس والحـال يبـراه

وسقت البشاير يوم وليت واقفيـت

يالله عساها هفـت مقيـط ورشـاه