[غربة الروح !!]

رفعت كفي .. ماقدرت ارفع الصوت
لو كان فالخاطر .. كلام كتمته
لحظه وداع / وكنها سكرة الموت
ضاع الطريق .. اللي من اول رسمته
ضاع الطريق وصرت في الدرب مبهوت
مدري وش اللي فاتني ما اغتنمته !
العمر مرّ .. وراح مع فايت الفوت
صحيح ضعت .. وضاع حلم حلمته
الا انت ياللي قربك لروحي القوت
لو غبت / يبقى وسمك اللي وسمته
يبقى كما نقش على الصخر منحوت
حفظته .. بشكله ولونه وسمتّه
مهما الفراق اوجاع والبعد ممقوت
اصبح مصير من غلاك / احترمته
ذخرت لك يافرحة العمر .. تابوت
فيه الغرام اللي بديته / ختمته
يبقى الغصن لو مابقى فالغصن توت
تحرك انسام الذعاذيع .. صمته
حبل الرجاء من جور الايام مفلوت
ياليت قلبي عن غرامك عصمته