لا حظر شعري مع الترف الجميل
قلت: حيه ياهلابـه مـن شعـر
القصايد في وجـوده سلسبيـل
والمعاني في حظـوره كالـدرر
وش اسوي يوم عيني له تخيـل
لا حظر والعين ترقب له شهـر
قمت ارحب به واهليبـه واكيـل
ينبسط لا صرت اكتب له شطـر
ويهدي الوردات في ليلن عليـل
واخـذ البوكيـه واشـم الزهـر
يبتسم لي مير بشعـوره بخيـل
ودي اعرف قيمتي؟ عند القمـر
كيف ما اكتبها؟ وانا الخافق يميل
يمهـا والعيـن تعطيهـا نظـر
وصفها هي مهرة الخيل الاصيل
وارضها الخفاق من بين القفـر
والخجل هو ميزِة الطرف الكحيل
والدلع لا بان هو أدهـى وآمـر
ليه تسكت يوم أسألهـا وتطيـل
صمتها اللي صار طوله كالدهـر