الليل طرف ! ونور الصبـح . شـق الغمـام
وانـا عيونـي هواهـا مـا ضفـا ليلـهـا
لا جيت اضوي شموعي مـات كـل الكـلام
وذي حالتـي عـزي النفسـي واعزيلـهـا
مدري ( حياتي ) غدت ؟ كنها رسوم الختام !!
ولا اتصّـبـر وخيـرتـهـا ؟ مقابيـلـهـا
ياوقـت ماجـاك منـي غيـر كـل احتـرام
وانتـه تحـوف المنايـا لــي واركيلـهـا
الحظ شـرق وانـا رجلـي فممشـاي شـام
ولا طابت النفسي تومي لـي وانـا اوميلهـا
لـي حاجـةٍ علمتنـي كيـف طعـم الغـرام
سكنتـهـا خافـقـي قــدام لا جيـلـهـا
اشوفهـا فـي ليـال الشـوق بـدر التمـام
امـوت مـن ضحكهـا واحيـا بتماثيلـهـا
اخذتها / حـب ؟ مـا والله يـروح ويضـآم
وهـي ماتفصـل وانـا راضـي بتفصيلهـا
انشهـد إنهـا ملكتنـي فالـغـلا والهـيـام
الـجـادل الـلـي تشوقـنـي مراسيلـهـا
لي عام !! لا ( وين ) اكثر من شهورٍ وعام
وانـا معاهـا واعــدل دونـهـا ميلـهـا
إلليّا سئلتني ؟ اجاوب ما انتـي كـل المـرام
وإليّـا رجعـت إلا وإنـي دايــم أويلـهـا
كلي هوى .! والهوى حـلال ماهـو حـرام
وهـي فالمحبـه تغنـي لـي واغنـي لهـا
نمشـي وسلـك المحبـه بينـنـا بالتـمـام
والخافـيـه الله اعـلــم وش توديـلـهـا