بسم الله الرحن الرحيم
خواني الاعزا بيض الله وجيهكم على جهودكم المبذوله تجاه الضيف الغالي عبدالله عبيان اليامي
ولاهي غريبه عليكم ياعيال عبس
كما انني اقدم اليكم اعتذاري لعدم تمكني من الحضور وذالك لضروف طارئه وهذه القصيده قد اعدتها
لكي القيها في الحفل ولاكن قدر الله ماشاء ارجو ان تنال اعجابكم
كل التراحيب مثنيه ومربوعه=بداية الحفل حتى ينتهي كله
ولاهي على الحفل محصوره ومقطوعه=تبقى بعهد الرجال الي على المله
لعيون عبدالله عبيان وربوعه=يستاهل المدح والترحيب عبدالله
شيخن من شيوخ يام قليلن نوعه=في وقت تكثربه العثرات والعله
عن النمايم وهلها سكر سموعه=مايسمع اهل النمايم والحسد لله
وذم العرب بالردى ماغير طبوعه= ياقف على الوضع ويشوفه على حله
اماتوراه والا جنب جموعه=ماهو ضعيفن الياجاه الخبر شله
والياتطرقت لخباره وموضوعه=لقيت طبع الوفا والصدق طبعله
عنده شهامه وعزة نفس مزروعه=دايم السانه عن الزلات صاحله
لله دره ودر اعضاه وفروعه=رجلن تغزل بحب الناس واحتله
ياعبس خلوله الرايات مرفوعه=متشل تبقى لون الموت يشتله
وانكانها في ديار الشرق ممنوعه=في عاصمتنا نسويها لعبدالله