اشتقت لك يا عنفوان الحب واحساس الطفوله
شوفي ملامح لهفتي و اقري عن اشواقي قصايد
في غيبتك كأني يتيم ٍ مالقى له من يعوله
وفي مقدمك كأني الفقير اللي امتلك كنز و قلايد
يا ما تردّت حالتي و النفس من بعدك ملوله
ما عاد فيني حيل يقوى زود يتحمّل نقايد
الهم بأوقاتي طفح من شيب ساعات الكهوله
لين اشرقت شمسك على دنياي وانزاحت مكايد
يا فرحتي يوم التقيتك من بعد فرقا مْغلوله
احساس قلبي والوله كل ٍّ على بعضه يعايد