شفـت اللهب وشـلـون يتحـضـن الـعـود
مــا كــان يـابـس لـكــن الـنـهـر خـانــه
مااسقـاه يــوم انــه عـلـى جـالـه يــرود
لـيـن اشحـبـت مــن ظـلـم نـهـره فنـانـه
مـا ابخلـك نهـرٍ مـا نبـت حـولـك ورود
مــا اكــدرك يــا مــايٍ تجـيـبـه اهـانــة
حــاول يعـيـش ولا نـفـع مـنـه مجـهـود
وده و وده لـــكـــن الله مــــــا عـــانـــه
عـاف الحيـاة اللـي بهـا زيـف وجحـود
عـــاف يتـحـمـل لـيــن حـطــم كـيـانــه
حضن اللهب ارحم من احضان لصدود
مـا عـاد لــي بأخـضـر روابـيـك خـانـة
مــا هــو يفـكـر يــوم مـــا روح يـعــود
هـاجـر و خــلا لـــك جـــذوره مـكـانـه
يمـكـن تـذكـر بــس مـــا عـــاده يـفــود
اسـقـه جـــذورٍ لا طـــرا لـــك زمـانــه
لا تحـسـب الـلـي راح مـاهــو بمـفـقـود
عـنــك تــــرا قــفــل عـيـونــه واذانــــه
ولا تتـعـب تفـتـش تــرا الـعـود مـوقـود
الـــحـــق اذا ودك بــقــايـــا دخـــانــــه