[بندرأبن طريف المظيبري]

شفت اللهب وشلون يتحضن العود == ما كان يابس لكن النهر خانه
مااسقاه يوم انه على جاله يرود == لين اشحبت من ظلم نهره فنانه
ما ابخلك نهرٍ ما نبت حولك ورود == ما اكدرك يا مايٍ تجيبه اهانة
حاول يعيش ولا نفع منه مجهود == وده و وده لكن الله ما عانه
عاف الحياة اللي بها زيف وجحود == عاف يتحمل لين حطم كيانه
حضن اللهب ارحم من احضان لصدود == ما عاد لي بأخضر روابيك خانة
ما هو يفكر يوم ما روح يعود == هاجر و خلا لك جذوره مكانه
يمكن تذكر بس ما عاده يفود == اسقه جذورٍ لا طرا لك زمانه
لا تحسب اللي راح ماهو بمفقود == عنك ترا قفل عيونه واذانه
ولا تتعب تفتش ترا العود موقود == الحق اذا ودك بقايا دخانه