أحبك أيه أعشقك وأحلف على ذالك
ولا أستحي منك لي كررت ما قلته
انته بقلبي لحالك والله لحالك
وغلاك في عيني الثنتين قد شلته
بس قول يارب تبقى لي وأناأبقالك
والحلم يصدق معي وافرح بمانلته
وأعيش باقي العمرعندك أوإقبالك
واسمع كلام بقلبك ماتكلمته
واترشف الود(واطعم هيل فنجالك)
وأهيم وأسرح بحب ٍقد تلذذته
وأشوف في عينك الترحيب وادنالك
بس قلبي أرفق بشله لا تطاولته
يا نورعين الذي يتعب على وصالك
البعد عنك وربي ما تخيلته
امشي معك ياالغلا يمناي بشمالك
واضحك واسولف معك وتعيد ماقلته
وأشوف دنياي مسفر ليلها الحالك
من نور عين ٍسحرني من تأملته
ثم ٍقريت بعيونك ماورد بالك
ولقيت صك الخفوق اللي تملكته
وهذا دليل الغلا لي يومك المالك
يوم ٍأخذت الحشى باسمك وسجلته