[غربة الروح !!]

اصبر دقيقة وقف شويّ لحظـات
......................بعلمـك شـي ٍ وعنّـك خفيـتـه
شي ٍ فقلبي كاتمه وسط الاهـات
................مابين روحي وبين صدري دريتـه
حاولت المح لك في مرّه و مـرّات
...................ارمي حجر كنّي ابد مـا رميتـه
حيرتني ما بين روحـه وجيـات
...............واحتار فيني الدّرب من وين جيته
احتل فيني الشوق كل المسافـات
................مرهون لجل عيون منهو هويتـه
لجل تّلاقى خطوتي منك خطـوات
..................قلبي على شانك فدربـك رميتـه
كنت احسِبك نزوه ومن بين نزوات
....................فتره وبعدهاا يـردّ كـل ٍ لبيتـه
للحين افكر فيك في كـل الاوقـات
.................ما بين شوق ٍ لِك وقلب ٍ نسيتـه
تتهشم في وجهي جميع المرايات
.................لا من نظرت وقلت يا شوق ليتـه
ما هو بكيفي غصب عنّي وبالذات
..................لا جن لك شوق ٍ فقافـي ضويتـه
بليت لِك احساس قـاف ٍ دمعـات
.................على الورق فابيات شوق ٍ قريتـه