[غربة الروح !!]

لايـشغـلك دمعٍ عـلى الخـد يجــري
ولايزعـجـك نوحي وكثر الـتـنهات


انـوح مـن نـــارٍ تـلـظى بـصــدري
من حـرها شانت بعـيني الـمـلـذات


كـتـمـتـهـا مـاودي الـنـاس تـــدري
كـتـمتها عـن اقـرب الناس بالـذات



تركـتـها وسط الـمـعـالـيـق تـفــري
تـفـتـت مـنها الـظـلـوع الـمـحـنـات


مثـل الـحـمـم حـره مع الـدم يسري
يـفـوح دمـي بالـعـروق الـمـثـنــات


تـشـتـت مـنها مـجـامـيـع فـكـــــري
دنياي صارت في عـيوني متاهـات


وافـنيت في درب المتاهات عـمري
ابـنـي الامـاني والامـاني مـغــــرات


ضيعت وقتي واحسب الوقت بدري
اخطيت بحساب الزمن والمسافـات


كان الامل يدعـم مع الوقـت صبري
مات الامل قـبـل يتحـقـق بســاعـات


وباح الصبر واليوم الا ليـت شعـري
تـعـود ايـام الـزمـن للـبـدايــــــــــات