[غربة الروح !!]

"في دنيتي هذي تعلمت حاجات...هاكم بعض ما فادني به زماني~

"ما اتبع اللي صد عني بلحظات...ولا ارخص اللي بالمحبه شراني~

"واذا رحلت ارحل بعزة وبسكات...ما ارد عــلــى اللي بغدره كواني~

"اما اجي كلي شعور مع الذات...أو ابتعد كن مـاعطيـته حنــاني~

"عرفت ان المحبه فعلا مقامات...امــا مــوبــد او يــعــوض بثـانـي~

"عرفت أن أصعب وفاء للامانات...يوم عطيت القلب شخص ونساني~

"في دنيتي ذقت النكد والمسرات...اسعدني اللي بالمهــالك رمـاني~

"اقوى الطعون اللي تجي بالخيانات...لاصرت مجني واغلى انسان جاني~

"اللي ضحكلي شلت عنه الملامات...ياللأسف حملتــها مـن بكــاني~

"لكن هي الدنيا تجــارب وغــلطـات...خطاء عملته ولصــوابي هداني~

"عرفت كيف أضوي دروب المتاهات...عرفت كيف القاصي يكون داني~

"لأجل الأمل بسعى في كل المجالات...ماضيّــــع الآمال غير التوانـــــي~

"لو مات أمل عندي بأقول ما مات...أفرح به أكثر لو أحققه عـاني~

"في كل اموري راح اعيد الحسابات...احرم واضاعف بالعطا من عطاني~

"حرمت اعاشر من يطيع الوشايات...حرمت اخــاوي واحــد مــا بغـاني~

"حرمت اصدق كلمة مــالها اثبات...حرمّت وصلي مايجي من جفاني~

"ان صد عني شخص جاء بالبدايات...ماعاد اجيه ان بــغــا يعرف مكاني~

"تعبت اجامل واكتم بصدري آهات...اضحك وقلبي جمـــرة بالمحاني~

الموضوع الأصلي: حرمت اخــاوي واحــد مــا بغـاني" | | الكاتب: غربة الروح !! | | المصدر: شبكة بني عبس