[عبدالرحمن هليل]

ياصاحبي رح جعل دربك تساهيل

ودعتك الله وارض ربي وسيعه

دامك بخلت بجيتك والمواصيل

وابديت عقب القرب نار القطيعه

ارسل ولارديتلي بالمراسيل

مدري غلاءوالا ان هذي طبيعه

بس الوكاد انك تغيرت بالحيل

طبعك نهار اليوم يفرق تبيعه

الفرق واضح دون شرح وتفاصيل

والصدق وصفه غير وصف الخديعه

من عاش بالكذبه وكثرالتحاييل

مثل الذي عاش العمربالصنيعه

وان كان ودك للمفارق مداخيل

وتلمح انك سقتني يم ريعه

ابشرك ماني قصيرمحابيل

من باع قربي مثل ماباع ابيعه

ماني من المقفي مدورمحاصيل

والقلب في فرقاه يزهرربيعه

مادام مامني خطاء يااتلع الجيل

ولااخلفت في حبك سلوم الشريعه

لاصارماغيرالمفارق تباديل

رضيت لوفرقاك صدمه شنيعه

لومن سببها دمع عيني هماليل

بصبرمادام اقوى الصبرواستطيعه

الموضوع الأصلي: ياصاحبي | | الكاتب: عبدالرحمن هليل | | المصدر: شبكة بني عبس