ياخالد القلب ضاق وتاهة افكاره..والوقت يابوك عيالايصافيني
في الاحوال جيته لارحم داره..يصدوبنص عينه يلتفت فيني
دنياءعلينا لهاعادات منداره..واطباعها غيرت حتى العناويني
واهل الزمن هم سبب حقره ومقداره..فيه اخلفواماعليه من القوانيني
قوم الحسدللطمع بالعين سباره..اغراهم المال فيه ونسيوا الديني
باعواعليه السلوم بتافه اسعاره..ورضيوا بشين السلوم وفيه راضيني
حتى الردى زادواهله زادوا عياره..غطواعلى الزين في مفهومه الشيني
لاماغدى الجاريطمع في مراة جاره..وسلومهم فرقت شمل الحبيني
والطيب قفى ولاباقي سوى اذكاره..ماله بهالوقت ياخالد ملبيني
اتعبت رجلي ورى طرده ومشواره..وازريت لااحصل اللي عنه ينبيني
اسبابها طاب مجلاسي من الحاره..وشلي بدارن مافيها من يسليني