[طلال ابن مصلاب]

أخواني وأخواتي الأعزاء ...اقدم لكم هذه القصيدة الرائعه ..للشاعر الكبير مفرح الضمني ...واخترتها لكم لما فيها من المعاني الجميله ..التي لا تخلو من الحكمه ..وهي بلاشك تعبر عن تجارب
خاضها الشاعر في هذه الحياه ...


مزحك مع اللي ماتعرفه سماجه":"وبضاعةٍ ماتنعرف مالها سوق
ولو كل مرضانٍ توفر علاجه":"ماضاعت الدنيا وما مات مخلوق
وان ضاق صدرك بين همٍ وحاجه":"لاتبدي اسرارك على غير ماثوق
اصبر وياتي للزمان انفراجه":"والناس قالوا كل مطرود ملحوق
وانشد عن الرجال قبل المواجه":"تلقى الخبر في جيب غازي ومرزوق
وانصحك لاتمشي دروب العواجه":"ترى العوج دايم على الوجه مصفوق
لا صار بيتك ينبني من زجاجه":" حذفك لبيت الناس عيبٍ وخازوق
وان شفت فالمعبار ضول ولجاجه":"غير طريقك واخذ الايام برفوق
ابن مهمل ماعرف وش خراجه":"الابعد ماحمل الطاق مطبوق
كثروا شمايته وعكر مزاجه":"واصبح يلوم النفس والحمل ماسوق

الشاعر : مفرح الضمني المطيري

الموضوع الأصلي: تلقى الخبر في جيب غازي ومرزوق | | الكاتب: طلال ابن مصلاب | | المصدر: شبكة بني عبس