متواضعه اتمنى ترتقي لذائقتكم
/
/
ليش نزعل والمراجل روحت بحاره
والغبينه مـن شيـوخ الحملـه التركيـه
رمشهـا الليـل الثقيـل وكنهـا محتـاره
خابره صـرف الجنيـه بقيمـة الربيـه
انثنى خشـم الريـال برشـة المنـزاره
واستباحـة كـل شـي بدبكـة الشامـيـه
جيت ماهزت خفوقي شيلـة النظـاره
ماتنكس والتـراث العرضـه النجديـه
وانتهت قبـل المحطـه رحلـة العبـاره
يوم هبـت لـه هبـوب الذيبـه النشميـه
ما تعلـق بـا الغـرام اللـي بعيـد ٍ داره
باعها فـي راس مالـه مايبـي ربحيـه
لو خسر كل المشاعر مكسبـه نـواره
جابته بنت الصقور ب/طلعـة القديـه
عزوته خال العيال اللـي مولـع نـاره
ناسيـن هـم النسـب والبنـيـه التحتـيـه
جدها ذكره ينومـس فـي نهارالغـاره
مبطي المربـاع عنـده مدسـم الجنبيـه
بينهم سـاس المهـار مطبعـه مختـاره
ما تحسف مـن قناهـا بالنظـر والنيـه
ديرتي لو همت فيهـا ديـرة الصقـاره
ماكبرت الا بعيـن الشيخـه الحوريـه
مرمـع الفـكـره بعـيـد وجبتـهـا دواره
خافته ماتنشرح فـي طابـع الرسميـه
لاتغامر باالحـلال البورصـه منهـاره
والعلاقـه خلهـا بحـدودهـا الشرعـيـه
قلتها عنـدي رسالـه عاجلـه وبشـاره
لا تحسـب بالخسايـر وابشـر القطيـه
خلها وسط الطريـق وجهـز السيـاره
قبـل ازود باالكـلام وتخـرب السريـه
من ما راق لي . لم أتوصل الي شاعرها يعلم الله
لكن أتمني من أخواني الشعار أفادتي