كثرت أوجاع عمرك يا القوام النحيل=كل ليله تداعى بالسهر والصداع
مانفعك العلاج .. وصار جسمك عليل=بين روحك وبين أمراض جسمك .. صراع
كم نحاول من أجلك نصنع المستحيل=رغم ظلم الاقارب .. وأنتشار السباع
العذر منك .. لو العذر صلف وهزيل=ضاقت الدائره في محور الاتساع
بالصدور الوساع .. الحزن حصل مقيل=بعد ما كان تنفــاه الصدور الوساع
غاب بدر الدجى .. والليل هذا طويــــل=والمسافه بعيده .. والخطاوي ضياع
غاب حبا .. مثل وجه الصباح الجميل=غاب صدق .. طعن خصر الدجل والخداع
غاب .. والغيبه اللي في خفوقي تشيل ..= ( هم ) ماهو خفيف .. وحمل مايستطاع
آفة القلب فرقا يقتفيها رحيــــل=لا بعدها أجتماع .. ولا سبقها وداع
أثر بعض الكلام يموت ماله سبيـــل ..=للعقول السليمه .. بعد طاح القناع
مستحيـل الشـــجــاع يصير مثل الذليل= ومستحيل الجبان يموت موتة شجـــــــاع