الموت حظ القلم والمجد للدفتر= حبر القلم غلطتي وايامي اوراقي
الخوف يجتاحني وجه الطريق اسمر= راح اكثر العمر ياخوفي من الباقي
ياجرح رافقتني للناس لاتظهر= وان عشت في نظرتي ما مت بأعماقي
ياصوت لا تلتحف صمتي ولا تصبر= قل ماتبي واترك الهقوه على الهاقي
والخطوه اللي عن اخر سكتي تقصر=ماهيب من طبع رجليني ولا ساقي
مانيب من عاش لايربح ولا يخسر=ولا هو ضروري تكون افعالي اخلاقي
ثراي ماينشد الغيمه متى تمطر= مادامها في سماي تحنّ لأغراقي