[أمـــير بـكلمتي]

..
..
.

لا حانت الفزعه خذونـا مجانيـن .... ولا لزمت للهوش حنـا سكـاراا

سكرة شجاعه وللشجاعه عناويـن .... ما هي بسكرة من حياته خسـاراا

وان جت لاهل الطيب حنا حشيمين .... وقال المثل عرف النشاما تجـاراا

وان كنت جاهل بالرجال الوفييـن ....حنا مع اهل الحق محنـا قشـاراا

خلك فطين القلب يابـن الكريميـن .... ولا تصير من اهل الوجيه الكشاراا

بعض العلوم اللي تجيب الردييـن .... ما تجيب ناس للصعايب صبـاراا

حنا ترى بالجو مثـل الشياهيـن .... وبالحق في حوض المنايا نتبـاراا

حنا ترى مانرحم اللـي معاديـن .... نشب فـي روس المعاليـم نـاراا

حنـا ترانـا للمواجيـب وافيـن .... نعطي ونوفي ما منعنـا اعتبـاراا

حنا ترى من عبس عبس الشريفين .... اللي مع اهل الحق ماهـم نكـاراا

وللحق شمس وشمسنا دايـم تبيـن .... ونشوف منهو فوق فوق المنـاراا
..
..
.

الشاعر
بدر نوران الرشيدي

الموضوع الأصلي: // ســكــرة شــجــاعــه // | | الكاتب: أمـــير بـكلمتي | | المصدر: شبكة بني عبس