تدرين ويـش اللـي تركتيـه للـروح
عند الوداع اللي قَطَعْ عنـق الافـراح
ثورة حـزن مجتاحـةٍ دولـة البـوح
وسحـابـةٍ برّاقـهـا بالقـهـر لاح
وسِيْرَةْ خَطَا:ليت الخطا كان مدمـوح
وصدرٍ شبع ضيق، وغرابيل،وجـراح
وشبّـاك لريـاح الغرابيـل مفـتـوح
علـى براويـزه حمـام الشِقَـا نـاح
وسمر الطعون وكفّها ينهـش الـروح
وجمرة وداع وعتمـةٍ دون مصبـاح
وحرقه،وضيم،وضيق،وهموم،وجروح
ولمّة خرز منثور من خيـط مسبـاح
وعينٍ تسولف للسهـر قصـة النـوح
وصرخة يتيمٍ ما سِمَعْتِيـه لـو صـاح
وأخر مسامير المواجع علـى الّلـوح
وسجن الوداع اللـي بضبّـه ومفتـاح
وغصنٍ يِشَوْحِنّه كفوف الهـوا شـوح
(ثاوي) وِتَلْعَبْ فيـه أعاصير.وَرْيَـاح