رقمها اللي صار غالي من غلاها
ينشرح صدري .. ليا مني نظرته
كنّه الا بالغلا رابي وياها
يوم باذرها في الخافق .. بذرته
حاسبنّه صنف فاعل من دواها
للملل .. فتاك من يوم(ن) خبرته
والرسايل منه .. يتناثر شذاها
آتعطّر منّها ..بليلن سهرته
حتى لو هي فاضيه.. يكفي صداها
يوم توصل .. كنّها عمر انتظرته
كيف لو بحروف وقليبي قراها
كن ضيق النفس بيديني نحرته
له جمايل دوم قلبي مانساها
صار مثل اسمي .. وفي قلبي حفرته
كيف لا..؟ يوم انه اوصلني لقاها
يوم قربّني لشوفه من نطرته
صح لامن بنّدت عني نداها
ودّي انه ينحرق بالحيل كرته
بس يبقى غير .. مادامه وياها
عزّته فالقلب .. لا منّي ذكرته
ولو يذاع الشوق .. شوقي له يضاها
كان شوقي له على الشاشه نشرته