تعبـت اكتمـك ياهـمـس القـوافـي
تعـبـت احبـسـك والـدنـيـا عـنـيـده
تعبت انظـم مـن المبنـى صوافـي
تعبـت اجمـع مـن المعنـى فـريـده
تعبْ شاعـرك مـن خـوف اللوافـي
يخـاف الـنـاس تـعـرف وش يـريـده
تعـبـت ولا تـعـب مـكـنـون قـافــي
وصـار الحـرف يجمـع فـي رصـيـده
ويومـن صـار كيـل الصمـت وافــي
نويت ارسـم علـى صمتـي مكيـده
وأصيـر الشاعـر النـجـم الخـرافـي
وأقــول اشـعـار تنـشـر فالجـريـده
يصيـر اسمـي مسطـر بالغـلافـي
وكـل الـنـاس تنـشـد وش جـديـده
نويت اعلن على الصمت انحرافي
نويـت أقطـع مـن الماضـي وريــده
نويت ولا قويـت انسـى الخوافـي
لقيـت الـجـرح يسـكـن فالقصـيـده