[بندرأبن طريف المظيبري]

ليتني طفل .. صغير تلاعبينه
جنبك يعيش اجمل ايااامه // ويرتع

من غلاته ماتبين تزعلينه
وان زعل جبتيه في صدرك / ويقنع

تلمسينه بالكفوف.. وتحظنينه
وكل ماحس بحنانك قام // يطمع

يلعب. وباجمل عيون تناظرينه
وكل ماعشتي بقربه سرتي / اروع

لاتبعد عنك قمتي // تزهمينه
ياحبيبي.. وين راايح عني / ارجع

ولاتوارى عن عيونك تفقدينه
ولاجلس جنبك.. كأن الكون / شعشع

ولامشى تمشين ماسكتن // يدينه
ولاشكى قلتيله آمرني.. وانااسمع

راحتك لاناظرت عينك // بعينه
ولاجلس مرتاح في حظنك / تربع

المهم انك معه ماتتركينه
وان تركتيه انحرق قلبك.. تقطع

من يلومه لاجلس.. وانتي // يمينه
من يلومه ياعناااي // ليا/ تدلع

من يلومه لابغاك / تقبلينه
من يلومه لالمحك.. ويمك // اسـرع

من يدينك في غلاه.. ومن يدينه
من يعاتبكم على شي / مشرع

ليتني ذاااك الصغير// تلاعبينه
انتي ايامي واناالعب فيك/ وارتع

الشاعر بندر بن طريف

الموضوع الأصلي: ليتني ذاااك الصغير | | الكاتب: بندرأبن طريف المظيبري | | المصدر: شبكة بني عبس