[احساس الشمال]

قصة فراق زوجين أبيات شعريه أبكت كل من قرأها:

هلا بك يابعد عمري ياقلبي أنت ياالغالي¤*
----------- تهلي بي عيوني الحب من آخر لياليها¤*

تقول أرجوك لاتهتم أنا في أحسن أحوالي¤*
----------- تبسم لي وهي تمسح دموع العين بيديها¤*

تقول الدنيا وش تسوى إذا ماشفتك أقبالي¤*
----------- أبيع الكون لعيونك لأجل لحظه معي فيها¤*

تموت من الألم لكن تبي ما ينشغل بالي¤*
----------- إلا ياناس ياعالم وربي من يساويها¤*

وهلت دمعة عيوني بعد ماضاق بي حالي¤*
----------- سجدت أدعي بدون شعور ألا يارب تشفيها¤*

وقالت لويشيلوني وعنك شدوا رحالي¤*
----------- أمانه يابعد روحي أبي روحك أوصيها¤*

أبيك أجمل من الأول أبي كل ماتهيالي¤*
----------- بعد موتي أشوفك مهتني روحي تهنيها¤*

إلا ياطيبة الدنيا ألا ياشمسي وظلالي¤*
----------- نهاية روحي من قبلك عسى ربي يبديها¤*

وشالوها بسرير أبيض وزاد الهم غربالي¤*
----------- وضاقت فيني الدنيا وأنا نفسي أمنيها¤*

وراحت تنتظر رجعة ودمع العين همالي¤*
----------- ألالو العمر يعطي قسم بالله لأعطيها¤*

وطاحت ورده من كفي وأنا ماشي على فالي¤*
----------- لقيت الشال في يدي يضمه قلب مغليها¤*

جلست أراقب الساعه وأنا أدعي ربي الوالي¤*
----------- عسى ياربي يا رحمن ياقادر تنجيها¤*

أنا من لي بهالدنيا وأعيش أشلون بحالي¤*
----------- بعدها مابي نفسي وحتى الناس مابيها¤*

قسم بالله لو موتي يجيني قبلها أشوالي¤*
----------- ولا أبي تبعد وترحل وأنا ما أقدر أوفيها¤*

وجولي أربع أطباء وقلبي مشتعل صالي¤*
----------- أمانه هاه قولوا لي أمانه وش حصل فيها¤*

وقــــــالـــــــــوا
وقــــــالـــــــــوا
وقــــــالـــــــــوا

وقالوا البقاء براسك وصاب الأرض زلزالي¤*
----------- تزلزل كل مافيني بكت نفسي وأمانيها¤*

ولكني بهالدنيا صرخت بصوتي العالي¤*
----------- ألا يامصعب الفرقى وروحي من يواسيها¤*

عسى الرحمن يرحمها ويغفر أول وتالي¤*
----------- وعسى ياربي بالجنه بعد موتي ألاقيها¤*

الموضوع الأصلي: قصة فراق زوجين أبيات شعريه أبكت كل من قرأها: | | الكاتب: احساس الشمال | | المصدر: شبكة بني عبس