كل جلسه لها ذكرى ووقع وكلام = بس ذكرى القلوب وحبها كل يوم
شرهة القلب روح لعاليات المقام =بين حدب الضلوع بروق تسبق غيوم
المشاوير تتعب كل صاحب غرام =بس كل التعب فدوة عزيز السلوم
شفت فرق السما والارض فرقه تمام =لكن ان التواضيع من سمات القروم
ان طغي كل كلمه منه تطلع هيام =وان تلفت على كل المواقف رحوم
فيه معنى السمو وحب فوق الغمام =وفيه روح التسامح فالعلاقات دوم
ماعرف شي في دنياه يعني خصام =في حياته غريب وفي مقامه عزوم
اشهد انه نصير الحب فوق السلام =نادر الطبع في طيب وحفاوه يقوم