يحـق لـك لوتكبـر ماتحاكينـي
دنياك جتلك تمشاء وانت ناسيهـا
من عقب منته على نفسك توصيني
تقول روحي ترها الجوع طاويها
اليوم كنك عـدو لـي معادينـي
من يوم ساقت لك الدنيا مواشيهـا
اللي سعالـك برزقـك مايخلينـي
رزاق عميا تقلـب فـي مهافيهـا
رزاق عميا تقلب بيـن جالينـي
ارسل لها الطير من جوه يغديهـا
حطم لها الطير لفاح الجناحينـي
يوم اطلبة ربهـا ماهـو بناسيهـا
عينه بصيره وهي عميا النظيريني
حول عليها بحكمة مـن يمشيهـا
لاتحتزم برها حيث الرها شينـي
تغريك دنيا تقلـب مـع سواقيهـا
كم واحد(ن) حسب الدنيا ملاييني
شيد عمدها وقيـل فـي مبانيهـا
وسفت عليه الذواري بين يوميني
لين انزلت حالته لسفل مواطيهـا
لا تعجبك في طربها يالمسيكينـي
بكره تخليـك ولا انتـه تخليهـا
عد السنين الطوال الي مخاوينـي
ماكنها ماظيـه واليـوم ناسيهـا
الله واكبر يدار الزيـن بالشينـي
تغير النـاس ماتعـرف بلاويهـا