له في وسط قلبي بساتين وورود
الورد الاحمر والوفاء له غطاها
وله في وسط قلبي مواثيق وعهود
ماهمها طول الزمن مامحاها
طاريه وسط الروح ياحمود موجود
على خيالي مذكر انه نساها
في كل يوم يكبر الحب ويزود
وفي كل يوم تزيدني من وفاها
لبيه ياروحي ومعشوقة سعود
يلي على يدك جروحي شفاها
لبيه يامنور على ايامي السود
يانور شمس(ن) توها في ضحاها
ياجمل بنات العود واغلى من العود
عندي تسوين العيون بغلاها
جمال يملى العين ماهو بمحدود
واجمل بعد من مر الارض وطاها
بصمت لك بيدي وعيوني شهود
انك قمر ليلي ليظلم سماها
يروح عنك ياالغلا الفكر ويعود
على صدى همسك يردد صداها
لاكن ابصبر راعي الصبر موعود
لوهي عليك الروح زايد ضماها
س ع و د