هوجاس جاني تالي الليل كذاب
عذب فؤادي يالغضي وانت ماجيت
عل الرجاء ياصاحبي فيك ماخاب
لا ولاك ماصارت حياتي تناهيت
لا ولاك قلبي ماتقطع ولا ذاب
لا ولاك دمع العين ماصاح ياليت
لا ولاك راسي ياريش العين ماشاب
كنت انتظر في موعدي لو تناسيت
من سبتك دمعات عيني بتنساب
ماقلتلك ياكيف عنها تسليت
خليتني من دون ماتشرح اسباب
لا وحسافه كيف عنها تخليت
درب المهانه ماعرفنا لها باب
ولا ضنتي في يوم ابلقى لها بيت
اما القطيعه ماحسبنا لها احساب
لاولا القطيعه عنك انا ماتوانيت
من ذاق طعم الحب ياناس متاب
لوقال عن درب الهواء اليوم مليت
الحب ياهل الحب عذب(ن) وجذاب
من لامني والله يستاهل الميت