[بندرأبن طريف المظيبري]

حسايف

هذا انا ماقد صفالي بدنيتي غير الحسايف
......ابتسم قدام حظي .. وحظي اعمى مايشوف







عزتيلي احسب اني صاحبه .. بعد الطوايف
.......جيته اضحك للحياة ورحت اصفق بالكفوف








مادريت ان كل حبّ ٍفالورى كاذب وزايف
.........اوله حيره ودمعه وآخره وِحْده وخوف





رحت ادور وسط صدري والصدر ضايق وخايف
.......وين قلبي اليوم عني لا يحس ولايشوف!!





ومالمحت الا حروف تسكن ظلوع ٍ نحايف
.......لا نفس..لا قلب لكن باقي ٍ نبض الحروف





اشتكي للحرف حالٍ منكسر والوقت حايف
.......صرت انا والحان صمتي للشقا اهل وضيوف




واتصدد عن جروحي.. شايف ولاني بـ شايف
.........بس ادور لـه طواري وآتنقّى له قطوف





وارسمه غيمة بياض وارسمه عين وشفايف
.......قلت مادام يتغلى .. خـل اشوفه بالطيوف





وهذا انا اتعطش محبه وعايف ٍ بعده خلايف
..........مثل ماقالوا : عشانه ودي تقبيل السيوف






ادري انه ماصفالي .. لاخليل ولا ولايف
........وان رجيت الخير مره ماتطاوعني الظروف





لين صرت اليوم وحدي وصارت آلامي حلايف
............تتبع الجرح المواجع ..واتْوالى ماتروف





علموا قلب ٍ هجرني كيف تعذيب الحسايف
.......علموه اني بدونه .. لا أحس ولاااأشووف