[الخشف]

اقتباس من مشاركة أخـو جـزعـة ودنا كيف وافي من حلوق الدلال = بعد طول المغيبه نشفت حلوقها واجبي لا يقصر فيه قرم العيال = يوم جذع النخل يموي بمعذوقها

اقتباس من مشاركة سعود العرعري ماتهل الشهور الابمبدا الهلال=شمسكم ياهل رابغ بانت اشروقها نيتك فى ضميرك باقيه لاتزال=انت تبغى تحتها وصرة من فوقها

اقتباس من مشاركة أخـو جـزعـة مد يمناك يمي قبل مبدا الجدال = واعرف الديره اللي تجرتك سوقها ما نحل الحرام ولا نحرم الحلال =والرجال الشريفه نتبع طروقها

اقتباس من مشاركة سعود العرعري مانحب القطيعه كان تبغى الوصال=والجواهر نبى مفتاح صندوقها هات صرف الجنيه وخل عنك الريال=تثبت الشجره اللى جلن اعروقها

اقتباس من مشاركة أخـو جـزعـة يا سعود القطاعه مالها لي مجال = مير كثرة علوم القوم وعلوقها اقطع الدرب لو دونه سراب وخيال =واطبق الصقره اللي علقت اطبوقها

اقتباس من مشاركة سعود العرعري مادرينا تبون الشمس والاالضلال=يجرى ابليس مجرى الدم فى عروقها يابعيد المغازى يا كريم السبال=المخيله تهل وتكشف ابروقها

اقتباس من مشاركة أخـو جـزعـة علت النت تدري وشهو الاتصال = وانت مودمك يسرلها ولا يبوقها اول السالفه ما شفت لك سيل سال = واخر السالفه جلدتك وحروقها

اقتباس من مشاركة سعود العرعري حط عشرين همزه لجل نصف احتمال=ماتبين المراره غير من ذوقها اول العلم لبسك من جلود الغزال=ووثانى العلم جيهه ماكثر افلوقها

الله الله ... الله الله ... ياااا سلام يا سلااام