السلام عليكم ورحمة الله وبركاته
انشر لكم قصايد هذا الرجل الطيب والشاعر المبدع
وهو مصلح بن طلق بن نشرا العجرمي الرشيدي
من منطقة المجمعه
قصيده ترحيبيه في الشيخ / فيصل بن قاسم ال ثاني / حفظه الله
[POEM="font="Simplified Arabic,5,white,bold,italic" bkcolor="transparent" bkimage="images/backgrounds/22.gif" border="none,7,gray" type=2 line=0 align=center use=ex num="0,black""]الا يالله يامعط العطا ياناصر المظلوم = بسط سبع الاراض وسبع رب العرش علاها
هذا اول ماطرالي من كلام وماحصل مقسوم =طرالي وابتديت وقلت رب العرش مبداها
كلامن دار في دولاب فكري لين قام يعوم = هجوسن ساق صعبات البيوت وقام ينقاها
تنقيت البيوت وقلت ابمدح ذابحين الكوم = وابا ارحب وبين كلمة الترحيب بسماها
هلا بالشيخ فيصل واخوياه مكرمن محشوم = فرحنا فرحتن لو يجمع الحساب ماحصاها
وفا في كلمتن له يوم قال انزور هاك اليوم = عطان كلمتن عقب رمضان الشيخ ووفاها
كلامه ثابتن صامل ليا جات العلوم علوم = ليا قال الكلام يحقق الكلمه من اقصاها
هلا حييت يازبن الحمول مساعد المضيوم = عريب الساس زيزوم الحمول اليا تبناها
هلا ياعز من تالي زمانه صار فيه ثلوم = تقف في جانبه وقفت شرف ماعاد ينساها
ودليلتهم مع الطرقه ليا منه غدا المنجوم = ليا ضاع الدليله وانقلب راسه تولاها
ولد قاسم عدو اللي توارا في سماه غيوم = تلجا به رجالن تدرك الطولات بيداها
ولد شيخن ليامنه وقف بالماقف المحتوم = رسا مثل الجبال اللي ولي العرش رساها
عوين اللي تصافق به هجوسه مايجيه النوم = ليا كثرت هجوسه بأمر رب البيت جلاها
من الثاني هل الطولات واهل المعرفه والزوم = تربم بالشجاعه والكرم والعز مجناها
مقادم دولتن تقرا الضيوف وفعلهم مفهوم = تنجي وتحما من لاذ وقت الضيق بحماها
حرارن صيرميه من سلايل نادرن صيروم = مواكرها جبالن شامخه محدن تهقواها
حمو دولة ( قطر ) من مفسدين ومن غزاه وقوم = حموها ووقفم لحدودها محدن تحداها
لهم تاريخ ثابت من قديم وقبل عصر الروم = تصفح صفحت التاريخ يالقاري وتلقاها
وعدو لمدح كساب الجميل النادر الشغموم = طويل الباع فيصل فأول الدعوى وفتلاها
عسى عمره على وضح النقا والعز دوم يدوم = رسوم الخير هو والطيب في وجهه تحلاها
استودعكم الله [/POEM]