عرض مشاركة مفردة
  رقم المشاركة : [ 1  ]
قديم 14-04-2011, 05:18 PM
الاجهر
كبير المـراقـبـيـن
الصورة الشخصية لـ الاجهر
رقم العضوية : 146
تاريخ التسجيل : 27 / 8 / 2006
عدد المشاركات : 12,470
قوة السمعة : 31

الاجهر بدأ يبرز
غير متواجد
 
الافتراضي سادة ورا سادة وجيل بعد جيل


سادة ورا سادة وجيل بعد جيل
نور على نور على كل حزه
هرج النمايم مايهز الحلاحيل
ولا الردا ياخوك قل وش يهزه
عبدالله وعاش الاصيل ابن الاصيل
امامنا اللي طاعة الله حزره
على كثر مامر عيني رجاجيل
لهم النعم مير انت خذت المعزه

ايه انت ياطهر الثناء والتباجيل
يامنجد الوضع الصعيب ومحزه
ياللي عدوك له مع الله تهاويل
خازن جهنم في جهنم يدزه

حنا لشرع الله سيوف مصاقيل
ننسل دروب الشرف والمعزه
حنا سمينا فوق كل التباجيل
حنا لبسينا المجد تاج وبزه

يابلادنا يازعفران الفناجيل
راس العدو من دون حدك نجزه
جمالنا حادي قلوب الجماميل
وخيالنا فوق الهبايب ملزه
ياما على الميعاد يوم التهاويل
جينا نتسابق والمنايا تنزه
فرت معاجيل وكرت مقابيل
خاب العدو اللي علينا يوزه


جيناه مثل البرق والخيل والسيل
كم راس قوم فوق قوم نرزه
يا اهل الفتن واهل الدجل والاباطيل
وجيهكم من الردا مشمئزه
وايماننا بالله فوق التأويل
وقراءننا مبدأ حياة وعزه
حنا متى ماجل ليل وسجا ليل
ندلكم درب الشرف والمعزه

كلمات ابن الوطن

الموضوع الأصلي: سادة ورا سادة وجيل بعد جيل | | الكاتب: الاجهر | | المصدر: شبكة بني عبس




توقيع الاجهر