[عبداللطيف العايضي]

صباحكم رذاذ مسائكم نفحة نرجس

مع أنفاس هذا الصباح أضع أمام انظاركم هذه المواضعه للعلها تروق لمسامعكم وترتقي للذائقتكم وتنول أعجابكم


ياليت ما حبيت

ياطيّفه البارح علي وين مريت=الله حسيبك ليه مخترت لك فجّ
ليتك قبل تلفي عليه تأنيت=ماهو عشاني لج ذا الصدر مايلجّ
وريحت قلب(ن) بالصدر وأنت لفيت=ولا حلّ في فكري سحاب(ن) ولا عجّ
صبرت كل الصبر لكن مليت=رحماك ياللي عيّش الفرخ من مجّ
من بعد فرقانا تقول أستخفيت=ما باقي(ن) للعقل شي(ن) ويرتجّ
حب السهر جفني ولا حوله امبيت=حتى الفكر عندي وأنا أسولف ايسجّ
من زارني طيّفك لا حي(ن) ولا ميت=بس الجسدّ باقي به الروح وتهجّ
ياليت ما حبيت وأنته ما حبيت=وأخترت لك فج(ن) وأنا أخترت لي فجّ

للشاعر / عبداللطيف العايضي


أجمل التحايا وأزكاها لكل من مرّ هُنا ورحل

الموضوع الأصلي: يالــيــت مــا حــبــيـــت وأنــتـــه مــا حــبــيــت !! | | الكاتب: عبداللطيف العايضي | | المصدر: شبكة بني عبس