[سعد بن عادي]

مشكور . يالبارق اللي ما صدق نوّه
صحيح ما العن من الهقوه .. ليا خانت
ما عاد فيها حيا وانعدمت ( الخوّه )
الناس جاها بلا . ونفوسها شانت
ما كنت ابي شي .. كان الدافع . مروّه
وعهود عاهدت فيها نفسي . وصانت
دون الخوي ما ذخرت لوقتي وسوّه
شف وشكثر .. شالت متوني ولا لآنت
مانيب ندمان .. مير الجرح يا ( قوّه )
عزاي ياكم رجال من ( الوفا ) عانت
يا صاحبي .. كان باقي لي طلب .. سوّه
اللي حصل شي هين !! هقوه و خانت
لا جيت ( بير ) الصداقه ( دمّه ) او ( طوّه )
هانت لك اشياء بس ( النفس ) ما هانت

::