والسهول والحرة البركانيه وسوف استشهد بقصائد
للشاعر المبدع عايض بن صالح أبو صالح الشويلعي
وهو موجود معنا بهذه الشبكة ورمز من رموزها..
وإليكم الشرح المختصر بعد الصور
جبل القدر
تم تصويره من جميع الجهات
الجبل الأبيض
هذا جبل البيضاء غرب الجبل الأبيض
جبل القدر هو في أعلى قمة الحرة وهو الفاصل
بين الحرة التي من جهة الثمد والصلصله والحرة التي من
جهة الحائط وبدع بن خلف ويقع
بجنوبه الجبل الأبيض وجبل الأكليل ومن شماله قمة العثمور
وتحيط بهذه المنطقة من جميع الجهات حره بركانيه وأرض
منبسطه تسمى الصخماء وهذه المنطقه أقصد منطقة العثمور
والأبيض على ارتفاع عالي عن سطح البحر والحقيقه أنا أول
مره أزورها وقت الصيف وقد اتضح إنها منطقه تعد من أفضل
المصايف في منطقة حائل نظراً لجوها الرائع
وممكن أكون مبالغ إذا قلت إن درجة الحراره في قمة العثمور
لاتجاوز(28 ) درجة مئوية في وقت الظهيرة ويمكن اقل من ذلك
إما في وقت المساء فأني اجزم إنها لاتتجاوز( 18 ) درجة مئوية
وهذا الجبل الأبيض
شاهدوا هذه اللوحه وماكتب عليها.. من الأرتفاع.
وهذا الشاهد مما قال الشاعر أبو صالح
أنا كلما هفهـف وذعـذع بـراد الـنـود= ذكر لـي قـرى الحـره بـراده وهفهافـه
بعيـده عـن الساحـل وصبخـاه والنفـود= صخامي حليات(ن)مهـي قـاع صفصافـه
بقاياحـصـاد اثار بركانـهـا المـخـمـود= عـن البـرد تلقـابـه ملاذ(ن) وصريـافـه
وعن الحرفيها اكهوف ودحول فيها اعـدود= على دوحة(ن) خضرا طريـه وغريافـه
تحت ضلها بطحا(ن) صدف شمسهـا مفقـود= حـذو لابة(ن)طرمـا مخيفـه وميـلافـه
عليهامشرفة(ن) غرامـيـل صـفـروسـود= عليهـن ملامـح ذود سلطـان واوصـافـه
تعلا عليهـا الاوضـح الـي تقـل هـادود= شمـال وجنـوب وقدمـه الـذود وخلافـه
تعلا عن الضجـه بعيـدن عـن المحـدود= جمالـه يونـس ضايـق البـال لاشـافـه
مضـارب خليـه ذيبهـا حولهـا موجـود= يهيضك عـواه ليـا قنـب فـوق مشرافـه
خليـه خليـه مابهـا الـي يشـب العـود= غراميلهـا صيـد الفـلا عـاش بطـرافـه
مضارب قبايـل عبـس زبانـة المضهـود= عـن اعـداه يلقـا عنـده فـراش ولحافـه
هل الطيب واهل العرف واهل الكرم والجود= لهم بالخـوي ميـزه عـن العالـم عرافـه
تقلـب نوايـا النـاس وشعـاره الصمـود= ولـو كثـرة الاحـداث ماهـي بمزهافـه
على الهعد والميثـاق ماخانـت ال سعـود= تبـارك وتيـد منهـج العـود واسـلافـه
عسى الله يزيد الخير فيهـا والامـن يسـود= وعسى من نواهـا بالقشـر يفقـد اطرافـه
وهذا جبل الأكليل.. شرق الأبيض
صوره من بعد
وقال الشاعر أبو صالح أبيات بهذا الجبل أنقل لكم منها مايناسب الموضوع
سلام ياذروة نبا ضلع الاكليل= اللي على رأس القرى تقل قاره
مقلوزاً من فوق سود الغراميل= يسبرك شرق الرأس الأبيض حماره
يعطيك عن ماضيه طابع وتأويل= من مجريات أسمه ونقش الحجاره
وعن ساكنين الدار يعطيك تحليل= اللي لهم سلفان في كل قاره
يوحيلك إنه كان فالمنطقه جيل= على البسيطه ماخذين الصداره
أهل الكرم والجود ذباحة الحيل= وسََامة الكفه عيون النماره
بني رشيد أحفاد عبس المشاكيل= بعروقهم دم الظفر والصطاره
أثار البراكين
