**************
--- سلام عليكم ----
وصح الله السنتكم ملاييين
تجاوباً وتفاعلاً مع طلب استاذنا مسند العويمري..وأعجاباً بالفكره التي اتمنى من الجميع كما قال سابقاً ان يتواصلوا من خلالها ...هذا الطرح هو الذي يساعد على صقل تجاربنا واثراء ثقافتنا ...لاأود ان اطيل عليكم.,,
هذي مشاركتي واتمنى ان تجد شئً من صدى ماكتبه شعارنا الرائعين
تتقبلوني كما تحبووووووون ,,هاأنا
الا يابحر والموج يابحر حاله حال = على مدَك وجزرك تمرجح به الكفه
لو الموج له قدره منك يرفع ألاثقال = لقينا على ساحلك الاثقال منكفه
لكنه قصر عن غبتك مالقى مدخال = بدت هيبتك تطويه بالسطح وتلفه
سلامي سلاماً من طناخه وراحة بال = من الهاجس اللي يجمع الطيب ويزفه
على من بنؤا مجدٍ تفاخر به الاجيال = تشوف العدو من فعلهم منكتم بلفه
وبنت الهلالي سيف ابوها ذرا وضلال= ياكم فارسٍ من دونها راسه يطفه
وابو زيد حمَاي الحماء وقايد الابطال = حماها بسيفه ماحموها هل الشلفه
حلالٍ عليه الوسم يصعب على المحتال = لكن الغفال تروح بالكاش والسلفه
ونهاية حماس وفتح تبكي على الاطلال = اذا كان حزب الله هومدرَرالخلفه
ومعمرعلى مابه من أهبال زاد أهبال = ولاهو معين خير يوم أعلنو قصفه
تمادى بغيه يحسب الوضع لعب عيال= يتهجا كتابه والعداء قاسمه صفه
والا يابحرفي غبتك كم غدى رجال = لوالماهرالغطاس عنها ثنى شفه
ومن يسبر أغوارك اليا صال والاجال = رجع بالدرر ولا لقاء قبلها حتفه
هذا بختصار العلم ولاالعلوم اطوال = لوان الليالي بعض قنصاتها صلفه
العميل السري صح لسانك
مجاراه مميزه جدا
ونقض موفق من شاعر متمكن جدا
سجل اعجابي بشاعريتك
تحياتي