[بندرأبن طريف المظيبري]

مشكله لا صرت وصرت وصرت ..















مشكله لا صرت طيب وقالوا لكـ هبيل
وانت طيب في التعامل وقلبك موسعه..!

ومشكله لا صرت مظلوم وفي يدينك دليل
ويتجاهلك حكم العداله وصوتك يسمعه..؟

ومشكله لا صرت ظالم وقالوا لك نبيل
وشهدوا لك بالشهامه وغشك تجمعه..!

ومشكله لا صرت وافي ولك حظ قليل
مايريحك غير دمع تحدرهاربعه..؟

ومشكله لا صار حزنك تدور له بديل
كيف تطفى نار وسط الفؤاد مولعه..!

ومشكله لا صرت مخلص ووافي للخليل
والعزيز اللي تعزه شعورك يوجعه..؟

ومشكله لا صرت عالي وفي الآخر عليل
والغرام اللي بقلبك لشوقك تودعه..!

ومشكله لا صرت تعطي ولا تلقى جميل
من اوآدم خانوا الطيب بأول مطلعه..؟

ومشكله لا صرت عاجز عن الحمل الثقيل
وفوق حملك داخل الجوف حزن يمزعه

الموضوع الأصلي: مشكله لا صرت وصرت وصرت .. | | الكاتب: بندرأبن طريف المظيبري | | المصدر: شبكة بني عبس