البارحه غنيت يـا حـادي العيـس
واليوم صمتك عن عيوني حدانـي
اليوم تلعب بي ريـاح الهواجيـس
ولادري عشانك ضيقتي أو عشاني
ما بين لوعات الجفـا والوساويـس
البرد ساكـن فارتعـاش المحانـي
وانا حبيس الصمت سجن الاحاسيس
ضاق الزمان ولا وسعنـي مكانـي
والنور طعمه في عيون المحابيـس
مرٍ مثـل طعـم الكـلام بلسانـي
متى بشعري يزهـرنّ الكراريـس
ومتـى بقلبـي يمطـرن الأغانـي
ليت الشعر ماهو كـلام بقراطيـس
ليـت القصايـد بالدفاتـر مبانـي
والله ليفرق شعر من يرجي الكيـس
عن شعر من ينحت صخور المعاني
ويبان فرقـي باختـلاف المقاييـس
حتى تحس بصدق وش كثر اعاني
والا الأماني راس مـال المفاليـس
عزي لمن كانـت جـداه الأمانـي