لك كم سنه تسأل وانا اقول بعدين
لاعاد تسألني عن اسباب هالصمت
بيني وبين هالصمت عشره من سنين
واخاف اخون الصمت لامن تكلمت
بعض الحكي يوجع ولو كان حرفين
وش ينفعك لامني حكيت وتندمت
واجد جروحي ..بس والله غالين
من كثر ما اغليهم الى شفتهم قمت
جرحي ليا اقبل..قلت:ياجرحي اهلين
معروفه اني من عذابه تعلمت
والا زماني لو ضحك عارفه زين
ماهوب يبطي لوبوجه تبسمت
لا عاد أجل تطرح عليه سؤالين
وش فيك ماتضحك؟..ووش فيك مانمت؟