[فواز العايضي]

يابو حمد بن عايضه حسبي على شي يصير
شي يابن مثني حصل بالمنتدى باسبابها


الي تحاول تختفي عن خافقي وسط النظير
احسها في داخلي دايم تحن اركابها


خلتني اكره شوفها وارجع على ذاك المسير
وخلتني اعلن غيبتي يوم ان طال غيابها


اللي على رجم المفارق واللقاء ماتستخير
اصرف لها ياصاحبي تعلن لحرب اعصابها


تبى تعنيني وانا في بعدها ماني بخير
مادامها كذا..! كذا .. لازم نعرف اسبابها


احاول اجفاها وانا ياصاحبي ماني مجير
لو دارت ايام العمر شفني ماغير اشقابها


اقرى معانيها واهوجس بالشعركني جرير
واجيب ما لا جابه الشعار لاجل ازهابها


قصايدن ماجابها عنتر ولاعمه زهير
ولا دارت براس المهلهل يوم جبت اكتابها


اقولها واثق واشيل الحمل عن ظهر البعير
من كلمة ياصاحبي ماعدت احسب احسابها


تقول يافواز وقف لي ترى حالي كسير
بعض العرب ياصاحبي شفها تعكف اشنابها


واقول يالله زلزلي يالارض زلزال خطير
هزي قلوب حاولت ترقى بسم انيابها



بعض المواقف تجبر الرجال ويقول الكثير
وبعض المواقف تكشف وجيه الردى واذنابها



وبعض المواقف دونها الابواب تغلق من عصير
ماني ولد متعب اليا ماجبتها بارقابها


ياصاحبي مالي خشير ولا ورى فعله خشير
اللي يبي يرقى على متني وانا كتابها


المعجزات السبع راحن وانتهى ذاك المصير
كب العنا والمهزله خلك على من جابها


النار ماتحرق يدين الا المشعوذ والخبير
ولع بها ياصاحبي تحرق يدا شبابها


خلك من هروج المهرج والمح الدر المنير
وشوف الطوال النايفات شلون صرت ارقى بها


ابحر بها يا صاحبي وارهب بها جمع غفير
واكتب على صدر السما تبطي عظم ما اهابها


اعرف مدى تاثيرها واكسر مدى ذاك الاثير
الين يكشف قدرها مع ضمن قدر اصحابها


انا كتبت الشعر يالغالي ومن عادي صغير
لاتظن نفسك صايبه يكفي ترى ما صابها



ونهاية الموضوع يا ناقد تشار ولا تشير
حاول تعدل جدول الرحله قبل يسرابها






فواز العايضي

الموضوع الأصلي: المعجزات السبع | | الكاتب: فواز العايضي | | المصدر: شبكة بني عبس