قالت: ان الصمت في وضعك خطير
قلت: أهون من معاناة الكلام !
قالت : انتبهي عليك من ال كثير !
قلت: خبّيني عن عيون الملام
كل ماحاولت من همّي اطير
أسمع الدنيا تردد (ياسلام )
كنّ هذا الوقت : شارع مستدير!
اهرب من الليل وادخل ب الظلام !
لين أجهل مايسمى بال مصير
و آتراكم في متاهاتي -حُطام -
يا/ يشيل الضيق وجهي عالأخير
وايتبقّى من تفاصيلي ( عِظام )
أو/ يمدّدني على همّي حصير
واستضيف الجرح فيني ب انتقام!
قالت: ادري فيك وادري / ما يصير!
قلت : لكن ( صار)، عـَ الدنيا سلام!
عادت: انّ الصمت في وضعك خطير
قلت: مدري ، ، ماتخليني انام ؟
..