السلام عليكم ورحمة الله وبركاته
اسعد الله صباحكم \ مساكم ....
اخواني اصحاب ورواد هذا الصرح الشامخ انا اول مره اشترك هنا وللامانه
اعجبني الموقع والقائمين عليه ومن آتاه من زوار على الابداع من شعر
وغيره من القبيل , فـ حبيت اني اشارك في قصيده من ابيات قليله
ولكن من باب المشاركه ....
ويقول ,,
هذي سنه مرت وأنا خاطري شين=ورمش العنى من خلف الاضلاع هاجع
كل ماسلكت الدرب مدري على وين=ألقى العنى قدمي ولابه تراجع
أليا أنقفل باب المواليف ياحسين=تنفك بيبان القسى والمواجع
يهتز عرش الجاش وتستنزف العين=ويصيح طفل ِ داخلي بصوت فاجع
وأليا بغيت أسلا وأفل الحجاجين=يمدلي فنجاله الضيق زاجع
سكين ياوقت القسى للمحبين=سفكت دم احلامهم فالمضاجع
حاولت أدينك مير ياكيف ومنين=أزرت تجاوبني أحروف ومراجع
لكن بسيطه دام لي رب ياحسين=يصك عني باب جرح ومواجع